მთავარი » 2011 აპრილი 14 » Varjishebi Lamazi muclis Presistvis/ვარჯიში მუცლის პრესისთვის
7:08 PM Varjishebi Lamazi muclis Presistvis/ვარჯიში მუცლის პრესისთვის | |
 ბრტყელ და სრიალა მუცელზე ყველა ქალი ოცნებობს და ბევრსაც მიუღწეველი გონია. თუმცა არავის დაუდგენია, რომ მუცელი აუცილებლად ბრტყელი უნდა იყოს. თქვენი მუცელი სხვანაირადაც შეიძლება, ლამაზად გამოიყურებოდეს. ამისთვის კი საჭიროა კომპლექსური ვარჯიში, რომელიც ყოველდღე უნდა შეასრულოთ. საუკეთესო ვარიანტია ვარჯიშის ისეთი ფორმა, რომელიც ყველა კუნთს აამუშავებს. კარგი იქნება, თუ ვარჯიშის დაწყების წინ მოთელვას გააკეთებთ. თუ ქვემოთ მოცემულ ვარკიშებს ყოველდღე 20–30 წუთს დაუთმობთ, თქვენი წელის გარშემოწერილობა მინიმუმ 4–5 სანტიმეტრით შემცირდება.
ვარჯიში პირველი – დაწექით იატაკზე, ხელები ამოიდეთ თავქვეშ, მზერა მიაპყარით ჭერს, კისერი არ უნდა გქონდეთ დაძაბული. ფეხები მუხლებში მოხარეთ და ასწიეთ, მხრები კი წამოსწიეთ ისე, რომ რაც შეიძლება ახლოს მიიტანით მუხლებთან. ვარჯიში მეორე – დაბრუნდით საწყის მდგომარეობაში. სეხები ისევ ისე ასწიეთ, როგორც წინა ვარჯიშისას, ოღონდ ამ შემთხვევაში იცვლება ხელების მოძრაობა. მხრები უნდა წამოსწიოთ ისე, რომ იდაყვები რაც შეიძლება ახლოს მიიტანოთ ერთმანეთთან. ვარჯიში მესამე – პოზიცია იგივეა, ოღონდ ამ ვარჯიშის შესრულებისას მუხლებში ოდნავ მოხრილი ფეხები რაც შეიძლება მაღლა ასწიეთ და მერე ისევ დაუბრუნდით საწყის მდგომარეობას. შემდეგ ისევ თავიდან, თანმიმდევრულად უნდა გაიმეოროთ სამივე ვარჯიში. რამდენიმე რჩევა უნდა გაითვალიწინოთ: ვარჯიშისას ზურგი არ უნდა აცილდებოდეს იატაკს. რაც უფრო მიბჯენილი იქნება ზურგი იატაკზე, მით მეტად დამუშავდება მუცლის პრსესი. ვარჯიშის დროს ეცადეთ, არ დაგეძაბოთ კისერი. ნუ აჩქარდებით, შეეცადეთ ყველა ვარჯიში ნელა და ფრთხილად შეასრულოთ. თითოეული ვარჯიში უნდა შეასრულოთ 10–ჯერ მაინც. ვარჯიშის დასრულების შემდეგ უნდა მოდუნდეთ და გააკეთოთ მოთელვა. დაწექით მუცელზე, დაეყრდენით კორპუსს დ რაც შეიძლება კარგად გაჭიმეთ სხეული. ამ მდგომარეობაში გაჩერდით რამდენიმე წამის განმავლობაში. თუ ვარჯიშს მთელი სერიოზულობით მიუდგებით, შედეგს მალევე შენიშნავთ. ამ ვარჯიშების შემდეგ უფრო სექსუალური გახდება არა მხოლოდ თქვენი მუცელი, არამედ მთელი სხეული მოვა ტონუსში და თავს გაცილებით ლაღად და მხნედ იგრძნობთ, შესაბამისად, უფრო ახალგაზრდული შემართებითაც განაგრძობთ ცხოვრებას. ასე, რომ ნამდვილად ღირს კვირაში სამი დღე მაინც დაუთმოთ საკუთარ გარეგნობაზე ზრუნვას. | |
|
| |
| სულ კომენტარები: 0 | |
საიტის მენიუ
სექციის კატეგორიები
ჩანაწერების არქივი
ჩვენი გამოკითხვა
საიტის მეგობრები
სტატისტიკა
სულ ონლაინში: 3
სტუმარი: 3
მომხმარებელი: 0